Author Archives: admin

ຊຸດຝຶກອົບຮົມຄັ້ງນີ້ໄດ້ຈັດຂຶ້ນ ໃນລະຫວ່າງວັນທີ 25-26 ທັນວາ 2025 ຢູ່ຫ້ອງປະຊຸມຊັ້ນ 4 ຫ້ອງວ່າການແຂວງວຽງຈັນ ໂດຍການເປັນປະທານຂອງ ທ່ານ ສີທົນ ແສງພະຈັນ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງວຽງຈັນ, ມີຮອງຫົວໜ້າຄະນະໂຄສະນາອົບຮົມແຂວງ, ຫົວໜ້າ, ຮອງຫົວໜ້າ ຄະນະໂຄສະນາອົບຮົມບັນດາເມືອງ, ພ້ອມດ້ວຍພະນັກງານພາຍໃນຄະນະໂຄສະນາອົບຮົມແຂວງເຂົ້າຮ່ວມ.

ພິທີດັ່ງກ່າວໄດ້ຈັດຂຶ້ນໃນວັນທີ 18 ທັນວາ 2025 ທີ່ຫ້ອງປະຊຸມເມືອງວຽງຄໍາ ແຂວງວຽງຈັນ, ໂດຍການເປັນປະທານຂອງ ສະຫາຍ ພູທະນູເພັດ ໄຊສົມບັດ ເລຂາຄະນະບໍລິຫານງານພັກແຂວງວຽງຈັນ, ໃຫ້ກຽດເຂົ້າຮ່ວມມີ ສະຫາຍ ສີທົນ ແສງພະຈັນ ກຳມະການປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ສະຫາຍ ສົມໝາຍ ໄຊຍະວົງ ກຳມະການພັກແຂວງ, ເລຂາຄະນະບໍລິຫານງານພັກເມືອງວຽງຄຳ, ມີບັນດາສະຫາຍຮອງເລຂາພັກເມືອງ, ຄະນະປະຈໍາພັກເມືອງ, ກໍາມະການພັກເມືອງ, ພ້ອມດ້ວຍບັນດາຫົວໜ້າຫ້ອງການ, ເລຂາຄະນະພັກຮາກຖານ, ໜ່ວຍພັກ, ກຸ່ມບ້ານ, ເລຂາພັກບ້ານ-ນາຍບ້ານ, ສະມາຊິກພັກ ແລະ ພະນັກງານຫຼັກແຫຼ່ງຂອງເມືອງວຽງຄໍາ ເຂົ້າຮ່ວມ.

ໃນໂອກາດທີ່ແຂວງວຽງຈັນ ຈັດພິທີໂຮມຊຸມນຸມ ຮັບຊົມການຖ່າຍຖອດສົດສະເຫຼີມສະຫຼອງ ວັນເກີດ ປະທານ ໄກສອນ ພົມວິຫານ ຄົບຮອບ 105 ປີ ( 13 ທັນວາ 1920-13 ທັນວາ 2025 ) ຈາກນະຄອນຫຼວງວຽງຈັນ ໃນວັນທີ 12 ທັນວາ 2025. ພາຍຫຼັງສຳເລັດພິທີໂຮມຊຸມນຸມ ທ່ານ ຄຳພັນ ສິດທິດຳພາ ກຳມະການສູນກາງພັກ ເຈົ້າແຂວງວຽງຈັນ ພ້ອມດ້ວຍ ອະດີດການນໍາ, ພະນັກງານບຳນານ ຂອງແຂວງ ໄດ້ລົງຢ້ຽມຊົມການກໍ່ສ້າງ ອານຸສອນສະຖານ ປະທານ ໄກສອນ ພົມວິຫານ ຂອງແຂວງແຫ່ງໃໝ່ ທີ່ພວມດຳເນີນການກໍ່ສ້າງ ຄາດວ່າການກໍ່ສ້າງສະຖານທີ່ດັ່ງກ່າວຈະສຳເລັດໃນມໍ່ໆນີ້.

ພິທີໂຮມຊຸມນຸມ ສະເຫຼີມສະຫຼອງ ວັນເກີດປະທານໄກສອນ ພົມວິຫານ ຄົບຮອບ 105 ປີ ( 13 ທັນວາ 1920 – 13 ທັນວາ 2025 ) ຢູ່ແຂວງວຽງຈັນ ໄດ້ຈັດຂຶ້ນໃນວັນທີ 12 ທັນວາ 2025 ນີ້ ຢູ່ທີ່ ສະໂມສອນໃຫຍ່ຂອງແຂວງ. ໂດຍມີ ທ່ານ ຄຳພັນ ສິດທິດຳພາ ກຳມະການສູນກາງພັກ ເຈົ້າແຂວງວຽງຈັນ, ມີບັນດາການນໍາພັກ-ລັດຂັ້ນແຂວງ, ຂັ້ນເມືອງ, ອະດີດການນໍາ, ພະນັກງານບຳນານ, ທະຫານ-ຕຳຫຼວດ,ພະນັກງານ-ລັດ ຖະກອນ, ພ້ອມດ້ວຍນ້ອງນ້ອຍນັກຮຽນ ເຂົ້າຮ່ວມ.

  ໃນວັນທີ 8 ທັນວາ 2025 ເວລາ 8:30 ໂມງ ທ່ານ ສຳພັນ ມະນີຈັນ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍຫົວໜ້າຂະແໜງສື່ມວນຊົນ, ຫົວໜ້າຂະແໜງສັງລວມ ແລະ ຂໍ້ມູນຂ່າວສານ ແລະ ພະນັກງານທີ່ຮັບຜິດຊອບ ເວັບໄຊ໌ ຂອງຄະນະໂຄສະນາອົບຮົມແຂວງວຽງຈັນ ເຂົ້າຮ່ວມກອງປະຊຸມສະຫຼຸບວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊ໌) ປະຈຳໄຕມາດ 4 / 2025 ກໍຄືສະຫຼຸບລວມໝົດປີ 2025 ແລະ ວາງທິດທາງແຜນການ ໃນປີ 2026 ຂອງຄະນະໂຄສະນາອົບຮົມບັນດາແຂວງ ໃນທົ່ວປະເທດ; ພາຍໃຕ້ການເປັນປະທານຂອງ ທ່ານ ນາງ ວິລະວອນ ພັນທະວົງ ຄະນະປະຈຳພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນຳວຽກງານຂໍ້ມູນຂ່າວສານ.

ພິທີໄດ້ຈັດຂຶ້ນໃນ ວັນທີ 4 ທັນວາ 2025 ຢູທີ່ຫ້ອງປະຊຸມຊັ້ນ 4 ຫ້ອງວ່າການແຂວງວຽງຈັນ ໂດຍການເປັນປະທານຂອງ ສະຫາຍ ນາງ ມະໄລພອນ ພວງຈັນລາ ເລຂາໜ່ວຍຮາກຖານຊາວໜຸ່ມຄະນະໂຄສະນາອົບຮົມແຂວງວຽງຈັນ, ເປັນກຽດເຂົ້າຮ່ວມຂອງ ສະຫາຍ ນາງ ອິນມະສອນ ສຸທຳມະວົງ ຮອງເລຂາໜ່ວຍພັກ ຮອງເລຂາຄະນະບໍລິຫານງານຊາວໜຸ່ມ ປປລ ແຂວງວຽງຈັນ ແລະ ສະຫາຍ ນາງ ມະນີຈັນ ທຳມະໂຄດ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງວຽງຈັນ, ມີບັນດາແຂກເຊີນໜ່ວຍຊາວໜຸ່ມອ້ອມຂ້າງ, ຕາງໜ້າອົງການຈັດຕັ້ງມະຫາຊົນ ພາຍໃນຄະນະໂຄສະນາອົບຮົມແຂວງ ພ້ອມດ້ວຍສະມາຊິກຊາວໜຸ່ມພາຍໃນໜ່ວຍເຂົ້າຮ່ວມ.

ພິທີປາຖະກະຖາ ວັນສະຖາປານາ ສປປ ລາວ ຄົບຮອບ 50 ປີ ( 2 ທັນວາ 1975 – 2 ທັນວາ 2025 ) ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 105 ປີ ( 13 ທັນວາ 1920 – 13 ທັນວາ 2025 ) ໄດ້ຈັດຂຶ້ນໃນວັນທີ 28 ພະຈິກ 2025, ໂດຍເລີ່ມຈາກການວາງພວງມາລາຢູ່ທີ່ອານຸສາວະລີນັກຮົບນິລະນາມ ກອງບັນຊາການທະຫານແຂວງ, ວາງກະຕ່າດອກໄມ້ຢູ່ທີ່ອານຸສອນສະຖານປະທານ ໄກສອນ ພົມວິຫານ, ເຊິ່ງນຳພາໂດຍທ່ານ ຄຳພັນ ສິດທິດຳພາ ກຳມະການສູນກາງພັກ, ເຈົ້າແຂວງໆວຽງຈັນ, ທ່ານ ພູທະນູເພັດ ໄຊສົມບັດ ເລຂາພັກແຂວງໆວຽງຈັນ, ພ້ອມດ້ວຍບັນດາການນຳຂອງແຂວງ, ນາຍ ແລະ ພົນທະຫານ, […]

ວັນທີ 06 ພະຈິກ 2025 ຢູ່ທີ່ຫ້ອງປະຊຸມຊັ້ນ 4 ຫ້ອງວ່າການແຂວງ, ໄດ້ມີພິທີມອບ-ຮັບໃບຢັ້ງຢືນ ໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024 ໃຫ້ໜ່ວຍພັກຄະນະໂຄສະນາອົບຮົມແຂວງວຽງຈັນ, ໂດຍການເປັນປະທານຂອງສະຫາຍ ສີທົນ ແສງພະຈັນ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງວຽງຈັນ, ມີບັນດາຄະນະພັກຮາກຖານອ້ອມຂ້າງ, ພ້ອມດ້ວຍສະມາຊິກພັກພາຍໃນໜ່ວຍເຂົ້າຮ່ວມ.

 ໃນຕອນບ່າຍ ຂອງວັນທີ 23 ຕຸລາ 2025, ເວລາ 13:30 ໂມງ ຄະນະໂຄສະນາອົບຮົມແຂວງວຽງຈັນ ໄດ້ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ III ປີ 2025 ຢູ່ທີ່ຫ້ອງປະຊຸມຂອງພະແນກແຜນການ ແລະ ການລົງທຶນແຂວງ ມີມະຫາຊົນຜູ້ກ້າວໜ້າມາຈາກ 1 ໜ່ວຍພັກຮາກຖານ ແລະ 5 ຄະນະພັກຮາກຖານ ອ້ອມຂ້າງແຂວງ ເຂົ້າຮຽນທັງໝົດ 17 ສະຫາຍ, ຍິງ 08 ສະຫາຍ, ໂດຍພາຍໃຕ້ການເປັນປະທານຂອງ ສະຫາຍ ນ ຮັ່ງລີ ແກ້ວວິໄລສັກ ຄະນະພັກ, ຮອງ ຫົວໜ້າຄະນະໂຄສະນາອົບຮົມແຂວງວຽງຈັນ ພ້ອມທັງໃຫ້ກຽດເຜີຍແຜ່ເຊື່ອມຊຶມເອກະສານ 13 ຄໍາຖາມ-13 ຄໍາຕອບ ຕາມຄໍາແນະນໍາຂອງຄະນະໂຄສະນາອົບຮົມສູນກາງພັກ ສະບັບເລກທີ 16/ຄອສພ, ລົງວັນທີ 7 ກໍລະກົດ 2021 ກ່ຽວກັບ ການນໍາໃຊ້ເອກະສານອົບຮົມມະຫາຊົນຜູ້ກ້າວ ໜ້າທີ່ຈະຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ.

ກອງປະຊຸມໃຫຍ່ຜູ້ແທນອົງຄະນະພັກ ແຂວງວຽງຈັນ ຄັ້ງທີ VII ໄດ້ໄຂຂຶ້ນຢ່າງເປັນທາງການ ໃນວັນທີ 15-16 ຕຸລາ 2025 ຢູ່ທີ່ສະໂມສອນຂອງແຂວງ ພາຍໃຕ້ການເປັນຄະນະປະທານ ຂອງສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ, ສະຫາຍ ຄຳພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ສະຫາຍ ຄໍາພັນ ສິດທິດໍາພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງວຽງຈັນ, ມີບັນດາຕາງໜ້າຄະນະຮັບຜິດຊອບຂັ້ນສູນກາງ, ເລຂາພັກແຂວງອ້ອມຂ້າງ, ພ້ອມດ້ວຍບັນດາຜູ້ແທນສົມບູນ ເຂົ້າຮ່ວມທັງໝົດ 263 ສະຫາຍ, ຍິງ 36 ສະຫາຍ ເຊິ່ງເປັນຕົວແທນໃຫ້ແກ່ສະມາຊິກພັກທົ່ວແຂວງ 22,864 ສະຫາຍ.