Author Archives: admin

ໃນຕອນບ່າຍຂອງວັນທີ 9 ເມສາ 2026ນີ້ ຢູູ່ທີ່ຫ້ອງປະຊຸມເບີ1ຊັ້ນ4ຫ້ອງວ່າການແຂວງວຽງຈັນ ໄດ້ຈັດໃຫ້ມີ ພິທີ ປະກາດບົ່ງຕົວແຕ່ງຕັ້ງເລຂາ ແລະ ຮອງເລຂາ ໜ່ວຍພັກຮາກຖານ ຄະນະໂຄສະນາອົບຮົມ ແຂວງວຽງຈັນ, ໂດຍການເປັນປະທານຂອງສະຫາຍ ພອນແກ້ວ ຂຸນພົນ ຮອງເລຂາຄະນະບໍລິຫານງານພັກແຂວງວຽງຈັນ, ຜູ້ຊີ້ນວຽກງານການເມືອງແນວຄິດ,ວຽກພັກພະນັກງານ, ມີສະຫາຍ ນາງ ຈັນທະຄອນ ສີອຳພອນ ກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມ ແຂວງວຽງຈັນ, ມີເລຂາໜ່ວຍພັກອ້ອມຂ້າງ, ຄະນະໜ່ວຍພັກ, ພ້ອມດ້ວຍສະມາຊິກພັກພາຍໃນໜ່ວຍພັກດັ່ງກ່າວເຂົ້າຮ່ວມ. ໃນພິທີ ສະຫາຍ ສຸວັນຄຳ ອິນທິກຳລັງ ຫົວໜ້າຂະແໜງພັກ ຄະນະຈັດຕັ້ງແຂວງວຽງຈັນ ໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງວຽງຈັນ ວ່າດ້ວຍການຕົກລົງບົ່ງຕົວແຕ່ງຕັ້ງ ສະຫາຍ ນາງ ມະນີຈັນ ທຳມະໂຄດ ເປັນເລຂາ ໜ່ວຍພັກຮາກຖານ ຄະນະໂຄສະນາອົບຮົມ ແຂວງວຽງຈັນ ແລະ ບົ່ງຕົວແຕ່ງຕັ້ງ ສະຫາຍ ນາງ ຮັ່ງລີ ແກ້ວວິໄລສັກ ເປັນຮອງເລຂາ ໜ່ວຍພັກຮາກຖານ ຄະນະໂຄສະນາອົບຮົມ ແຂວງວຽງຈັນ ໃຫ້ກຽດມອບ […]

ວັນທີ 13 ມີນາ 2026, ກົມໂຄສະນາ ຄະນະໂຄສະນາສູນກາງພັກ ແລະ ຄະນະໂຄສະນາອົບຮົມ ແຂວງວຽງຈັນ ໄດ້ຈັດກອງປະຊຸມພົບປະແລກປ່ຽນບົດຮຽນວຽກງານໂຄສະນາອົບຮົມ ຢູ່ທີ່ຫ້ອງປະຊຸມຊັ້ນ 3 ຂອງຫ້ອງວ່າການແຂວງວຽງຈັນ, ເຂົ້າຮ່ວມໃນຄັ້ງນີ້ມີ ທ່ານ ນາງ ຈັນທະຄອນ ສີອຳພອນ ກຳມະການປະຈຳພັກແຂວງ ຫົວໜ້າຄະນະໂຄສະນາອົບຮົມ ແຂວງວຽງຈັນ, ທ່ານ ບົວໄລ ພານຸວົງ ຫົວໜ້າກົມໂຄສະນາ ຄະນະໂຄສະນາສູນກາງພັກ, ມີບັນດາຮອງກົມ,ຄະນະໂຄສະນາອົບຮົມແຂວງ, ຫົວໜ້າ, ຮອງຫົວໜ້າຂະແໜງ ແລະ ພະນັກງານວິຊາການຂອງຄະນະໂຄສະນາອົບຮົມ ແຂວງວຽງຈັນເຂົ້າຮ່ວມ.

ໃນວັນທີ 12 ມີນາ 2026 ນີ້, ແຂວງວຽງຈັນ ໄດ້ຈັດກອງປະຊຸມເຜີຍແຜ່, ເຊື່ອມຊຶມເອກະສານກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ໃຫ້ແກ່ພະນັກງານຫຼັກແຫຼ່ງຂັ້ນແຂວງ, ໂດຍການເປັນປະທານຂອງ ສະຫາຍ ພູທະນູເພັດ ໄຊສົມບັດ ກໍາມະການສູນກາງພັກ, ເລຂາພັກແຂວງວຽງຈັນ, ມີຮອງເລຂາພັກແຂວງ, ກຳມະການປະຈຳພັກແຂວງ, ກຳມະການພັກແຂວງ, ເລຂາຄະນະພັກຮາກຖານ, ເລຂາໜ່ວຍພັກ, ຫົວໜ້າພະແນກການ, ພ້ອມດ້ວຍພະນັກງານຫຼັກແຫຼ່ງຂອງແຂວງ ແລະ ບັນດາເມືອງ ພາຍໃນແຂວງເຂົ້າຮ່ວມຮັບຟັງ.

ວັນທີ 25ກຸມພາ 2026 ນີ້ ແຂວງວຽງຈັນໄດ້ຈັດພິທີຮັບຊົມການຖ່າຍທອດສົດໃນການເຜີຍແຜ່ແລະເຊື່ອມຊຶມເອກະສານຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກຢູ່ທີ່ຫໍປະຊຸມແຫ່ງຊາດນະຄອນຫລວງວຽງຈັນ.ໃນການຈັດພິທີຄັ້ງນີ້ແມ່ນອີງຕາມຂໍ້ຕົກລົງຂອງທ່ານເຈົ້າແຂວງວຽງຈັນ ສະບັບເລກທີ 1160/ຈຂ.ວຈ ລົງວັນທີ 5 ພະຈິກ 2021, ແຈ້ງການເຊີນຂອງຫ້ອງວ່າການສູນກາງພັກ ສະບັບເລກທີ 03/ຫສພ ລົງວັນທີ 13 ກຸມພາ 2026 ແລະ ອີງຕາມທິດຊີ້ນຳຂອງສະຫາຍເລຂາຄະນະບໍລິຫານງານພັກແຂວງວຽງຈັນ ໃນຄັ້ງວັນທີ 18 ກຸມພາ 2026.

ວັນທີ 5 ກຸມພາ 2026 ແຂວງວຽງຈັນໄດ້ຈັດພິທີຖ່າຍທອດສົດການແຈ້ງຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ທີ່ສະໂມສອນໃຫຍ່ ຫ້ອງວ່າການແຂວງວຽງຈັນ. ພິທີດັ່ງກ່າວ ແຂວງວຽງຈັນ ໄດ້ຮັບຊົມພິທີຖ່າຍທອດສົດ ໂດຍມີ ສະຫາຍ ພູທະນູເພັດ ໄຊສົມບັດ ກຳມະການສູນກາງພັກ ເລຂາພັກແຂວງວຽງຈັນ ພ້ອມດ້ວຍບັນດາຄະນະປະຈຳ, ກຳມະການພັກແຂວງ ແລະ ພະນັກງານທົ່ວແຂວງວຽງຈັນ ຕະຫຼອດຈົນບັນດາຫົວໜ້າພະແນກການ, ອົງການ, ກົມກອງ, ຫ້ອງການ, ໂຮງຮຽນ, ໂຮງໝໍ, ທະນາຄານ ແລະ ລັດວິສາຫາກິດເຂົ້າຮ່ວມ.

ພິທີມອບ-ຮັບໜ້າທີ່ ລະຫວ່າງ ຫົວໜ້າຄະນະໂຄສະນາອົບຮົມ (ຜູ້ເກົ່າ) ແລະ (ຜູ້ໃໝ່) ແລະ ມອບ-ຮັບໜ້າທີ່ ບັນດາຫົວໜ້າພະແນກການອ້ອມຂ້າງແຂວງວຽງຈັນ ຈັດຂຶ້ນໃນຕອນເຊົ້າ ວັນທີ 31 ທັນວາ 2025

ກອງປະຊຸມດັ່ງກ່າວ ໄດ້ຈັດຂຶ້ນໃນວັນທີ 27 ມັງກອນ 2026 ຢູ່ທີ່ຫ້ອງປະຊຸມຊັ້ນ4 ຫ້ອງວ່າການແຂວງ, ໂດຍການເປັນປະທານຂອງທ່ານນາງ ຈັນທະຄອນ ສີອຳພອນ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ມີບັນດາທ່ານຮອງຫົວໜ້າຄະນະ, ຫົວຫນ້າ-ຮອງຫົວໜ້າຂະແໜງ, ພ້ອມດ້ວຍພະນັກງານວິຊາການເຂົ້າຮ່ວມ.

ໃນຕອນເຊົ້າ ຂອງວັນທີ 23 ມັງກອນ 2026, ເວລາ 08:30 ໂມງ ຄະນະໂຄສະນາອົບຮົມແຂວງວຽງຈັນ ໄດ້ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ I ປີ 2026 ຢູ່ທີ່ຫ້ອງປະຊຸມຊັ້ນ 4 ຂອງຫ້ອງວ່າການແຂວງວຽງຈັນ ມີເຂົ້າຮຽນທັງໝົດ 9 ສະຫາຍ, ຍິງ 6 ສະຫາຍ, ໂດຍພາຍໃຕ້ການເປັນປະທານຂອງ ສະຫາຍ ນ ຮັ່ງລີ ແກ້ວວິໄລສັກ ຄະນະພັກ, ຮອງ ຫົວໜ້າຄະນະໂຄສະນາອົບຮົມແຂວງວຽງຈັນ ພ້ອມທັງໃຫ້ກຽດເຜີຍແຜ່ເຊື່ອມຊຶມເອກະສານ 13 ຄໍາຖາມ-13 ຄໍາຕອບ ຕາມຄໍາແນະນໍາຂອງຄະນະໂຄສະນາອົບຮົມສູນກາງພັກ ສະບັບເລກທີ 16/ຄອສພ, ລົງວັນທີ 7 ກໍລະກົດ 2021 ກ່ຽວກັບ ການນໍາໃຊ້ເອກະສານອົບຮົມມະຫາຊົນຜູ້ກ້າວ ໜ້າທີ່ຈະຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ.

ພິທີຮັບຊົມການຖ່າຍທອດສົດພິທີດັ່ງກ່າວ ໄດ້ມີຂຶ້ນວັນທີ 9 ມັງກອນ 2026, ໂດຍການເຂົ້າຮ່ວມຂອງ ສະຫາຍ ພູວົງ ບຸນຊູ ຮອງເລຂາຄະນະບໍລິຫານງານພັກແຂວງ, ປະທານຄະນະກຳມະການປົກຄອງແຂວງວຽງຈັນ, ມີບັນດາການນຳອາວຸໂສບຳນານ, ພະນັກງານຫຼັກແຫຼ່ງພາຍໃນແຂວງເຂົ້າຮ່ວມ. ໃນພິທີໄດ້ຮັບຊົມການສະແດງສິລະປະວັນນະຄະດີ ຈາກນັ້ນສະຫາຍ ອາດສະພັງທອງ ສີພັນດອນ ກຳມະການສູນກາງພັກ, ຮອງເລຂາຄະນະບໍລິຫານງານພັກ, ເຈົ້າຄອງນະຄອນຫຼວງວຽງຈັນ ໄດ້ກ່າວຈຸດປະສົງພິທີໂຮມຊຸມນຸມ.