ໃນວັນທີ 29 ພຶດສະພາ 2025 ຢູທີ່ຫ້ອງປະຊຸມກວດກາພັກແຂວງ ໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງວຽງຈັນ ໄດ້ຈັດພິທີຮັບຮອງໜ່ວຍ 3 ດີ ຄັ້ງທີ 4 ສະໄໝທີ VIII ໂດຍການເປັນປະທານຂອງທ່ານ ນາງ ກົງທອງ ແກ້ວວົງເດືອນ ຫົວໜ້າໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ໂດຍການເຂົ້າຮ່ວມຂອງທ່ານ ນາງ ສົມພາວັນ ເພັດລາວັນ ຄະນະພັກ, ຮອງປະທານສະຫະພັນແມ່ຍິງແຂວງ, ສະມາຊິກສະພາປະຊາຊົນແຂວງວຽງຈັນ ແລະ ທ່ານ ນາງ ມະນີຈັນ ທຳມະໂຄດ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງວຽງຈັນ, ມີບັນດາທ່ານແຂກຖືກເຊີນຈາກໜ່ວຍສະຫະພັນແມ່ຍິງອ້ອມຂ້າງ, ຕາງໜ້າໜ່ວຍກຳມະບານຮາກຖານ, ໜ່ວຍຊາວໜຸ່ມຮາກຖານ ຕະຫຼອດຮອດສະມາຊິກສະຫະພັນແມ່ຍິງໃນໜ່ວຍຄະນະໂຄສະນາອົບຮົມແຂວງເຂົ້າຮ່ວມທັງໝົດ 24 ທ່ານ, ຍິງ 21 ທ່ານ.
Author Archives: admin
May
ໃນຕອນເຊົ້າ ຂອງວັນທີ 29 ເມສາ 2025, ເວລາ 08:00 ໂມງ ໄດ້ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ສັງກັດຢູ່ຮາກຖານພັກ ແລະ ໜ່ວຍພັກຮາກຖານອ້ອມຂ້າງແຂວງ ຈຳນວນ 14 ສະຫາຍ, ຍິງ 7 ສະຫາຍ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຢູ່ທີ່ຫ້ອງປະຊຸມພະແນກໂຍທາທິການ ແລະ ຂົນສົ່ງ ແຂວງວຽງຈັນ ພາຍໃຕ້ການເປັນປະທານແລະ ໃຫ້ກຽດເຜີຍແຜ່ເຊື່ອມຊຸມໂດຍ ສະຫາຍ ນາງ ຮັ່ງລີ ແກ້ວວິໄລສັກ ຄະນະໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງວຽງຈັນ ມີມະຫາຊົນຜູ້ກ້າວໜ້າທີ່ມາຈາກ: ໜ່ວຍພັກຮາກຖານແມ່ຍິງແຂວງວຽງຈັນ 02 ສະຫາຍ, ຍິງ 02 ສະຫາຍ, ໜ່ວຍພັກຮາກຖານແນວລາວສ້າງຊາດແຂວງ 02 ສະຫາຍ, ຍິງ 02 ສະຫາຍ, ຮາກຖານພັກ ພະແນກໂຍທາທິການ ແລະ ຂົນສົ່ງ ແຂວງ 01 ສະຫາຍ, ຍິງ 0 ສະຫາຍ, ຮາກຖານພັກ […]
Apr
ພາລະບົດບາດຂອງຄະນະໂຄສະນາອົບຮົມແຂວງວຽງຈັນ ສະບັບເລກທີ 059/ຄປພວຈ, ລົງວັນທີ 01 ມີນາ 2023 >>> ກົດອ່ານ ຫຼື ດາວໂຫຼດ <<<
Feb
ໃນວັນທີ 6 ກຸມພາ 2025 ທ່ານ ວັນລາຕີ ຄໍາວານວົງສາ ຄະນະພັກ, ຫົວໜ້າບັນນາທິການວາລະສານອາລຸນໃໝ່ ພ້ອມດ້ວຍຄະນະ ລົງຊຸກຍູ້ວຽກງານໂຄສະນາ ແລະ ວາລະສານອາລຸນໃໝ່ຢູ່ແຂວງວຽງຈັນ ໃນການລົງເຄື່ອນໄຫວຄັ້ງນີ້ ໄດ້ເຮັດວຽກຮ່ວມກັບຄະນະໂຄສະນາອົບຮົມແຂວງ, ພາກສ່ວນທີ່ກຽ່ວຂ້ອງຂັ້ນແຂວງ, ເຮັດວຽກຮ່ວມກັບຄະນະໂຄສະນາອົບຮົມເມືອງທຸລະຄົມ ແລະ ພາກສ່ວນທີ່ກຽ່ວຂ້ອງຂັ້ນເມືອງ.
Jan
ໃນວັນທີ 5 ທັນວາ 2024 ທີມງານຄະນະໂຄສະນາອົບຮົມແຂວງວຽງຈັນ ສົມທົບກັບຄະນະໂຄສະນາອົບຮົມເມືອງແກ້ວອຸດົມ ລົງເຄື່ອນໄຫວເກັບກໍາຂໍ້ມູນຄອບຄົວຕົວແບບ ກ່ຽວກັບການປູກ-ການລ້ຽງ ຢູ່ບ້ານແກ້ວກູ່, ເມືອງແກ້ວອຸດົມ, ແຂວງວຽງຈັນ; ນໍາທີມໂດຍ ທ່ານ ນ ມະນີຈັນ ທໍາມະໂຄດ ຄະນະໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ, ໂດຍໄດ້ລົງເກັບຂໍ້ມູນຄອບຄົວ ທ່ານ ດໍາລົງສັກ ມົງຄົນຄໍາ ຊຶ່ງທ່ານເປັນພະນັກງານຢູ່ຫ້ອງການກະສິກໍາ-ປ່າໄມ້ ເມືອງແກ້ວອຸດົມ, ເປັນຫົວໜ້າໜ່ວຍງານລ້ຽງສັດ ແລະ ການປະມົງ ທ່ານໄດ້ເຮັດອາຊີບເສີມຄື: ການລ້ຽງໝູ, ປູກຢາງພາລາ ແລະ ສ້າງໜອງປາ ເພື່ອສ້າງລາຍຮັບເພີ່ມໃຫ້ແກ່ຄອບຄົວ.
Jan
ໃນວັນທີ 4 ທັນວາ 2024 ທີມງານຄະນະໂຄສະນາອົມຮົມແຂວງວຽງຈັນ ສົມທົບກັບຄະນະໂຄສະນາອົບຮົມເມືອງໂພນໂຮງ ລົງເຄື່ອນໄຫວເກັບກໍາຂໍ້ມູນ ຄອບຄົວຕົວແບບກ່ຽວກັບການລ້ຽງງົວ ຢູ່ບ້ານໂພນຫໍ, ເມືອງໂພນໂຮງ, ແຂວງວຽງຈັນ,ນໍາທີມໂດຍ ທ່ານ ນ ມະນີຈັນ ທໍາມະໂຄດ ຄະນະໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງວຽງຈັນ ໂດຍໄດ້ລົງເກັບຂໍ້ມູນ ຄອບຄົວທ່ານ ພັນທະບູນ ວົງໄຊ ຊຶ່ງແມ່ນໜຶ່ງໃນຄອບຄົວຕົວແບບໃນການສ້າງເສດຖະກິດຄອບຄົວ ຂອງປະຊາຊົນ ບ້ານ ໂພນຫໍ, ເມືອງໂພນໂຮງ, ແຂວງວຽງຈັນ.
Dec
ໃນຕອນເຊົ້າ ຂອງວັນທີ 19 ທັນວາ 2024 ທີ່ຜ່ານມາ, ໄດ້ເຂົ້າຮ່ວມກອງປະຊຸມສ່ອງແສງລາຍງານສະພາບໃນການເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ໌) ປະຈຳໄຕມາດ IV/2024 ທີ່ຄະນະໂຄສະນາອົບຮົມສູນກາງພັກຈັດຂຶ້ນ (ຜ່ານລະບົບທາງໄກ) ໂດຍການເປັນປະທານ ຂອງ ທ່ານ ວັນຕຸລາ ຣັກນຸດ ກໍາມະການຄະນະພັກ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ ແລະ ນໍາພາເຂົ້າຮ່ວມໂດຍ ທ່ານ ນ. ມະນີຈັນ ທໍາມະໂຄດ ຄະນະພັກ, ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍພະນັກງານ ເຂົ້າຮ່ວມທັງໝົດ 9 ທ່ານ, ຍິງ 7 ທ່ານ.
ການເຄື່ອນໄຫວຂອງຄະນະໂຄສະນາອົບຮົມແຂວງ, ຮູບພາບການເຄື່ອນໄຫວ
ທ່ານ ສີທົນ ແສງພະຈັນ ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງວຽງຈັນ, ຮອງຫົວໜ້າອະນຸກຳມະການເນື້ອໃນກອງປະຊຸມໃຫຍ່ 3 ຂັ້ນ ແຂວງວຽງຈັນ, ເຂົ້າຮ່ວມກອງປະຊຸມທາບທາມເນື້ອໃນ ແລະ ບຸກຄະລາກອນ (ຮອບທີ 2) ເພື່ອກະກຽມໃຫ້ແກ່ກອງປະຊຸມໃຫຍ່ ຄັ້ງທີ VIII ຜູ້ແທນອົງຄະນະພັກເມືອງກາສີ
Dec
ໃນວັນທີ 12 ທັນວາ 2024 ອະນຸກຳມະການເນື້ອໃນກອງປະຊຸມໃຫຍ່ 3 ຂັ້ນ ຂອງແຂວງ ໄດ້ເຂົ້າຮ່ວມສົມທົບກັບອະນຸກຳມະການບຸກຄະລາກອນ ຂັ້ນສູນກາງ-ແຂວງ ຊຸກຍູ້ດຳເນີນກອງປະຊຸມທາບທາມເນື້ອໃນ ແລະ ບຸກຄະລາກອນ ຮອບທີ 2 ຂອງຄະນະບໍລິຫານງານພັກເມືອງກາສີ ເພື່ອຫ້າງຫາກະກຽມໃຫ້ແກ່ການດຳເນີນກອງປະຊຸມໃຫຍ່ຜູ້ແທນອົງຄະນະພັກເມືອງກາສີ ຄັ້ງທີ VIII ຊຶ່ງຈະຈັດຂຶ້ນເປັນເມືອງຕົວແບບທຳອິດຂອງແຂວງວຽງຈັນ. ກອງປະຊຸມດັ່ງກ່າວດຳເນີນໄປດ້ວຍຄວາມຮັບຜິດຊອບສູງ ຂອງຄະນະຮັບຜິດຊອບແຕ່ລະຂັ້ນ ກໍຄືບັນດາສະຫາຍໃນຄະນະບໍລິຫານພັກເມືອງ, ຜູ້ແທນສົມບູນ ແລະ ສຳຮອງ ຈຳນວນ 200 ກວ່າ ສະຫາຍ, ຊຶ່ງໄດ້ຮັບຟັງການຜ່ານ ຮ່າງລາຍງານການເມືອງ, ຮ່າງແຜນພັດທະນາເສດຖະກິດ-ສັງຄົມ ຂອງເມືອງ ແລະ ຮ່າງບົດສຳຫຼວດການນຳພາລວມ ຂອງຄະນະບໍລິຫານງານພັກເມືອງ
Dec
ໃນວັນທີ 9 ທັນວາ 2024 ແຂວງວຽງຈັນ ໄດ້ຕ້ອນຮັບການລົງມາເຮັດວຽກຂອງ ທ່ານ ຄຳພັນ ເຜີຍຍະວົງເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ຮອງຫົວໜ້າອະນຸກຳມະການເນື້ອໃນກອງປະຊຸມໃຫຍ່ ຄັ້ງທີ XII ຂອງພັກ ພ້ອມດ້ວຍຄະນະຕິດຕາມ ຈາກສູນກາງ; ຕາງໜ້າໃຫ້ແກ່ຄະນະພັກ-ຄະນະນຳຂອງແຂວງວຽງຈັນ ນຳພາໂດຍທ່ານ ທອງສະຫວັນ ວົງສຳພັນ ຮອງເລຂາພັກແຂວງ ໃຫ້ກຽດຕ້ອນຮັບ ແລະ ລາຍງານຜົນສຳເລັດການດຳເນີນກອງປະຊຸມໃຫຍ່ ໜ່ວຍພັກຂັ້ນບ້ານ, ສຳນັງານອ້ອມຂ້າງເມືອງ ແລະ ສຸມໃສ່ການດຳເນີນກອງປະຊຸມໃຫຍ່ຮາກຖານພັກອ້ອມຂ້າງແຂວງ, ອົງຄະນະພັກເມືອງ, ຄະນະພັກ 2 ກອງບັນຊາການ ແລະ ກອງປະຊຸມໃຫຍ່ຂອງຄະນະບໍລິຫານງານພັກແຂວງວຽງຈັນ ໃຫ້ສຳເລັດຕາມແຜນຄາດຄະເນ.
Dec
ໃນຕອນເຊົ້າຂອງວັນທີ 28 ພະຈິກ 2024 ເວລາ 8:30 ໂມງ ແລະ ດໍາເນີນໄປເປັນເວລາ 1 ຕອນ ທີ່ຫ້ອງປະຊຸມໃຫຍ່ຫ້ອງວ່າການແຂວງວຽງຈັນ, ຄະນະໂຄສະນາອົບຮົມແຂວງ ໄປສົມທົບກັບຫ້ອງວ່າການແຂວງ, ຈັດພິທີ ປາຖະກະຖາ ວັນຊາດທີ 2 ທັນວາ ຄົບຮອບ 49 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 104 ປີ ໃຫ້ກຽດເປັນປະທານ ແລະ ຂື້ນປາຖະກະຖາ ໂດຍ ທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາພັກແຂວງ ເຈົ້າແຂວງວຽງຈັນ, ມີບັນດາທ່ານ ຄະນະປະຈໍາພັກແຂວງ, ກໍາມະການພັກແຂວງ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ພະນັກງານຫຼັກແຫຼ່ງ ຂອງບັນດາພະແນກການ, ອົງການ, ກົມກອງ ອ້ອມຂ້າງແຂວງ ພ້ອມດ້ວຍນັກຮຽນ-ນັກສຶກສາ […]