Author Archives: admin

ໃນວັນທີ 16 ກໍລະກົດ 2024 ເວລາ 9:00 ໂມງ, ທີ່ຫ້ອງປະຊຸມຄະນະກວດກາພັກແຂວງ, ໂດຍການເປັນປະທານຂອງ ທ່ານ ສີທົນ ແສງພະຈັນ ກໍາມະການພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ, ມີບັນດາທ່ານຫົວໜ້າ, ຮອງຫົວໜ້າພະແນກການອ້ອມຂ້າງຕຶກ 120 ແມັດ, ແຂກຖືກເຊີນ ພ້ອມດ້ວຍພະນັກງານພາຍໃນຄະນະໂຄສະນາອົບຮົມແຂວງ ມີຜູ້ເຂົ້າຮ່ວມທັງໝົດ 27 ທ່ານ, ຍິງ 12 ທ່ານ;

ໃນຕອນເຊົ້າເວລາ 08:30 ໂມງ ຂອງວັນທີວັນທີ 11 ກໍລະກົດ 2024, ຄະນະໂຄສະນາອົບຮົມແຂວງວຽງຈັນ ສົມທົບກັບຄະນະໂຄສະນາອົບຮົມສູນກາງພັກ ແລະ ຄະນະໂຄສະນາອົບຮົມເມືອງກາສີ ເປີດຊຸດອົບຮົມການເມືອງ-ແນວຄິດ ໃຫ້ຜູ້ຊົງຄຸນວຸດທິບັນດາເຜົ່າຢູ່ເມືອງກາສີ ປະຈໍາປີ 2024, ຢູ່ທີ່ສະໂມສອນເມືອງກາສີ, ໂດຍເປັນປະທານຮ່ວມຂອງທ່ານ ອຳໄພ ໂສລັດຕະນະວົງ ເລຂາພັກເມືອງ, ເຈົ້າເມືອງກາສີ, ທ່ານ ນ ສຸກສະຫວັນ ອິນຄະວິໄລ ຮອງຫົວໜ້າກົມອົບຮົມ, ຄະນະໂຄສະນາອົບຮົມສູນກາງພັກ, ທ່ານ ຈັນທະວົງ ບົວລະພັນ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງວຽງຈັນ,

ວັນທີ 10 ກໍລະກົດ 2024 ເວລາ 6:00 ໂມງ ຕອນແລງທີ່ຜ່ານມາ ກອງໂຄສະນາເຄື່ອນທີ່ ຂອງຄະນະໂຄສະນາອົບຮົມແຂວງ ໄດ້ລົງສົມທົບກັບຄະນະໂຄສະນາອົບຮົມເມືອງ ລົງເຄື່ອນໄຫວສາຍໂປຼເຈັກເຕີ ແລະ ສ້າງກິດຈະກຳຖາມ-ຕອບ ຢູ່ບ້ານນາຊາຍຂາວ ເມືອງກາສີ ການເຄື່ອນໄຫວວຽກງານໃນຄັ້ງນີ້ ນໍາພາໂດຍ ທ່ານ ຈັນທະວົງ ບົວລະພັນ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍທີມງານຈາກ ຂັ້ນແຂວງ ແລະ ເມືອງ ການລົງຄັ້ງນີ້ແມ່ນນໍາໃຊ້ສາລະຄະດີຈໍານວນ 4 ເລື່ອງຄື: 1. ຜົນງານ 40 ປີ ແຂວງວຽງຈັນ, 2. ເສັ້ນທາງລົດໄຟລາວ-ຈີນ, 3. ການຄ້າມະນຸດ, 4. ຜົນຮ້າຍຂອງຢາເສບຕິດ, ມີຜູ້ເຂົ້າຮ່ວມທັງໝົດ168 ຄົນ, ຍິງ 87 ຄົນ. ພາຍຫຼັງຮັບຊົມສາລະຄະດີກໍ່ຍັງມີກິດຈະກຳຖາມ-ຕອບກ່ຽວກັບເນື້ອໃນ-ສາລະຄະດີຕ່າງໆ. ຜ່ານການລົງເຄື່ອນໄຫວຂອງກອງໂຄສະນາເຄື່ອນທີ່ໃນຄັ້ງນີ້ ເຫັນວ່າ ການນໍາຂັ້ນເມືອງ, ອໍານາດການປົກຄອງບ້ານ ໄດ້ພ້ອມກັນໃຫ້ຄວາມສໍາຄັນ ແລະ ພໍ່ແມ່ປະຊາຊົນກໍ່ໄດ້ເອົາໃຈໃສ່ໃນການຕິດຕາມ, ຮ່ວມກິດຈະກຳຖາມ-ຕອບ […]

  ກິນອາຫານທີ່ດີ: ການກິນອາຫານທີ່ດີ ນອກຈາກຈະເຮັດໃຫ້ສຸຂະພາບກແຂງແຮງດີ ຍັງສົ່ງຜົນໃຫ້ສະໝອງດີນຳອີກ; ທ່ານຮູ້ບໍ່ວ່າ ອາຫານທີ່ຜ່ານການປຸງແຕ່ງຫຼາຍຂັ້ນຕອນ, ມີຣົດຊາດຫວານ ແລະ ໄຂມັນຫຼາຍນັ້ນ ຖ້າກິນເປັນປະຈຳ ຈະເປັນສາເຫດທຳລາຍສະໝອງໄດ້ ເພາະອາຫານທີ່ຫວານ, ໄຂມັນຫຼາຍ ເຮັດໃຫ້ການຮຽນຮູ້ ແລະ ຄວາມຈຳຫຼຸດລົງ, ສ່ຽງຕໍ່ການເກີດພະຍາດອາວໄຊເມີ (Alzheimer’s Disease). ດັ່ງນັ້ນ, ທ່ານຄວນກິນອາຫານທີ່ມີຄຸນປະໂຫຍດຕໍ່ສະໝອງ ເຊັ່ນ: ຜັກ, ໝາກຖົ່ວ, ປາ ຈະຊ່ວຍຫຼຸດຄວາມສ່ຽງຕໍ່ການເກີດ ອາວໄຊເມີ (Alzheimer’s Disease) ໄດ້ເຖິງ 50%.

ໃນວັນທີ 15-16 ພຶດສະພາ 2024 ທີ່ສະໂມສອນຫ້ອງວ່າການເມືອງໝື່ນ ໄດ້ເປີດຝຶກອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະ ການກໍ່ສ້າງບ້ານພັດທະນາ ໃຫ້ກັບເລຂາພັກບ້ານ ໃນທົ່ວເມືອງ. ເປັນກຽດເຂົ້າຮ່ວມເປັນປະທານໃນພິທີຂອງ ທ່ານ ສີທົນ ແສງພະຈັນ ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງວຽງຈັນ, ທ່ານ ສອນໄຊ ຫຼວງອາໄພ ຮອງເລຂາພັກເມືອງ, ຜູ້ຊີ້ນຳວຽກງານກໍ່ສ້າງພັກ-ພະນັກງານ, ມີບັນດາ ຄະນະຮັບຜິດຊອບຂັ້ນແຂວງ-ເມືອງ ແລະ ເລຂາພັກບ້ານ 22 ບ້ານ ທົ່ວເມືອງໝື່ນເຂົ້າຮ່ວມ.

ວັນທີ13 ພຶດສະພາ 2024, ຢູ່ທີ່ຫ້ອງປະຊຸມ ພະແນກເຕັກໂນໂລຊີ ແລະ ການສື່ສານແຂວງ ໄດ້ຈັດພິທີມອບ-ຮັບອຸປະກອນຮັບໃຊ້ວຽກງານ ຕິດຕາມ, ກວດກາ ແລະ ຕອບແກ້ຫາງສຽງບໍ່ດີໃນສັງຄົມ ຂອງຄະນະກຳມະການຄຸ້ມຄອງອິນເຕີເນັດແຂວງວຽງຈັນ, ພາຍໃຕ້ການເປັນປະທານພິທີມອບ-ຮັບ ໂດຍທ່ານ ພົມມະລາ ນັນທະວົງ ກຳມະການພັກແຂວງ, ຫົວໜ້າພະແນກເຕັກໂນໂລຊີ ແລະ ການສື່ສານແຂວງ, ທັງເປັນຫົວໜ້າກອງເລຂາ ຄະນະກຳມະການຄຸ້ມຄອງອິນເຕີເນັດແຂວງວຽງຈັນ, ມີທ່ານ ສຸລະພົນ ພົດມີໄຊ ຮອງຫົວໜ້າຄະນະໂຄສະນາອົບຮົມແຂວງ, ບັນດາທ່ານ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ຕາງໜ້າ ກອງບັນຊາການ ປກສ ແຂວງ, ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ໃນຕອນເຊົ້າ ຂອງວັນທີ 3 ພຶດສະພາ 2024, ເວລາ 08:00 ໂມງ ຄະນະໂຄສະນາອົບຮົມແຂວງວຽງຈັນ ໄດ້ຈັດພິທີຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ I ປະຈຳປີ 2024, ຢູ່ທີ່ຫ້ອງປະຊຸມຂອງພະແນກກະສິກຳ ແລະ ປ່າໄມ້ແຂວງ, ພາຍໃຕ້ການເປັນປະທານຂອງ ສະຫາຍ ຈັນທະວົງ ບົວລະພັນ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ມີມະຫາຊົນຜູ້ກ້າວໜ້າມາຈາກ 8 ພາກສ່ວນ ທັງໝົດ 21 ສະຫາຍ, ຍິງ 9 ສະຫາຍ. ໃນນັ້ນມາຈາກ ຄະນະພັກຮາກຖານພະແນກກະສິກຳ ແລະ ປ່າໄມ້, ຄະນະພັກຮາກຖານພະແນກໂຍທາທິການ ແລະ ຂົນສົ່ງ, ຄະນະພັກຮາກຖານພະແນກພະລັງງານ ແລະ ບໍ່ແຮ່, ຄະນະພັກຮາກຖານພະແນກພາຍໃນ, ຄະນະພັກຮາກຖານຫ້ອງວ່າການແຂວງ, ໜ່ວຍພັກຄະນະກວດກາພັກແຂວງ, ໜ່ວຍພັກທະນາຄານນະໂຍບາຍ ຫ້ອງການປະສານງານແຂວງວຽງຈັນ, ຄະນະພັກຮາກຖານພະແນກເຕັກໂນໂລຊີ ແລະ ການສື່ສານ.

ໃນວັນທີ 29 – 30 ເມສາ 2024 ກົມຂໍ້ມູນຂ່າວສານ ແລະ ຝຶກອົບຮົມ ຂອງຄະນະຄະນະໂຄສະນາອົບຮົມສູນກາງພັກ ສົມທົບກັບຄະນະໂຄສະນາອົບຮົມແຂວງວຽງຈັນ ຈັດຊຸດຝຶກອົບຮົມຄວາມຮູ້ພື້ນຖານ ກ່ຽວກັບຄອມພິວເຕີ ແລະ ການບຳລຸງຮັກສາຄອມພິວເຕີ, ຢູ່ທີ່ຫ້ອງປະຊຸມ ຄະນະກວດກາພັກແຂວງ. ໂດຍການເຂົ້າຮ່ວມເປັນປະທານຂອງທ່ານ ວັນຕຸລາ ຣັກນຸດ ຄະນະພັກ, ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ (ຄອສພ), ທ່ານ ສີທົນ ແສງພະຈັນ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີຄະນະຮັບຜິດຊອບຂັ້ນສູນກາງ-ແຂວງ, ນັກຝຶກອົບຮົມຈາກ ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມ 11 ເມືອງ ເຂົ້າຮ່ວມທັງໝົດ 34 ທ່ານ, ຍິງ 18 ທ່ານ, ເປັນນັກ​ສ​ຳມະ​ນາ​ກອນ 22 ທ່ານ, ຍິງ 15 ທ່ານ.