ໃນວັນທີ 29 ພຶດສະພາ 2025 ຢູທີ່ຫ້ອງປະຊຸມກວດກາພັກແຂວງ ໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງວຽງຈັນ ໄດ້ຈັດພິທີຮັບຮອງໜ່ວຍ 3 ດີ ຄັ້ງທີ 4 ສະໄໝທີ VIII ໂດຍການເປັນປະທານຂອງທ່ານ ນາງ ກົງທອງ ແກ້ວວົງເດືອນ ຫົວໜ້າໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ໂດຍການເຂົ້າຮ່ວມຂອງທ່ານ ນາງ ສົມພາວັນ ເພັດລາວັນ ຄະນະພັກ, ຮອງປະທານສະຫະພັນແມ່ຍິງແຂວງ, ສະມາຊິກສະພາປະຊາຊົນແຂວງວຽງຈັນ ແລະ ທ່ານ ນາງ ມະນີຈັນ ທຳມະໂຄດ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງວຽງຈັນ, ມີບັນດາທ່ານແຂກຖືກເຊີນຈາກໜ່ວຍສະຫະພັນແມ່ຍິງອ້ອມຂ້າງ, ຕາງໜ້າໜ່ວຍກຳມະບານຮາກຖານ, ໜ່ວຍຊາວໜຸ່ມຮາກຖານ ຕະຫຼອດຮອດສະມາຊິກສະຫະພັນແມ່ຍິງໃນໜ່ວຍຄະນະໂຄສະນາອົບຮົມແຂວງເຂົ້າຮ່ວມທັງໝົດ 24 ທ່ານ, ຍິງ 21 ທ່ານ.
ຫົວໜ້າໜ່ວຍສະຫະພັນແມ່ຍິງໄດ້ກ່າວວ່າ: ໃນໜ່ວຍສະຫະພັນແມ່ຍິງມີສະມາຊິກທັງໝົດ 14 ສະຫາຍ, ປະກອບເປັນຄະນະພັກຄະນະໂຄສະນາອົບຮົມແຂວງ 2 ສະຫາຍ, ຫົວໜ້າຂະແໜງ 2 ສະຫາຍ, ຮອງຫົວໜ້າຂະ
ແໜງ 6 ສະຫາຍ, ລະດັບທິດສະດີ ຂັ້ນສູງ 2 ສະຫາຍ, ຂັ້ນກາງ 7 ສະຫາຍ, ກຳລັງຮຽນຢູ່ 1 ສະຫາຍ, ໃນບົດສະ
ຫຼຸບຕີລາຄາການຈັດຕັ້ງປະຕິບັດຂໍ້ແຂ່ງຂັນ 3 ດີ ໃນໄລຍະຜ່ານມາ ສະແດງໃຫ້ເຫັນຜົນງານການເຄື່ອນໄຫວຂອງໜ່ວຍ, ດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້; ຜົນການປະເມີນບຸກຄົນ 3 ດີ ສາມາດຕີລາຄາໄດ້ ພົນລະເມືອງດີ 14 ສະຫາຍ, ພັດທະນາດີ 14 ສະຫາຍ, ສ້າງຄອບຄົວດີ 14 ສະຫາຍ, ຖືກຕ້ອງຕາມມາດຖານເງື່ອນໄຂຮັບຮອງເປັນໜ່ວຍ 3 ດີ ໃນເອກະສານແນະນຳ ຂອງສູນກາງສະຫະພັນແມ່ຍິງລາວສະບັບເລກທີ 369/ສສຍລ, ລົງວັນທີ 18 ກໍລະກົດ 2022 ແລະ ແຈ້ງການຂອງສະຫະພັນແມ່ຍິງແຂວງວຽງຈັນກ່ຽວກັບການຈັດຕັ້ງປະຕິບັດຂໍ້ແຂ່ງຂັນ 3 ດີ ສະບັບເລກທີ 313/ສຍຂ, ລົງວັນທີ 9 ສິງຫາ 2022, ພ້ອມກັນນັ້ນກໍໄດ້ຜ່ານທິດທາງແຜນການເຄື່ອນໄຫວໃນຕໍ່ໜ້າຂອງໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ.
ໃນພິທີໄດ້ຢັ້ງຢືນບຸກຄົນ 3 ດີ ແລະ ໜ່ວຍສະຫະພັນແມ່ຍິງ 3 ດີ ໂດຍໃຫ້ກຽດຂຶ້ນມອບຂອງທ່ານນາງ ສົມພາວັນ ເພັດລາວັນ ຄະນະພັກ, ຮອງປະທານສະຫະພັນແມ່ຍິງແຂວງ, ສະມາຊິກສະພາປະຊາຊົນແຂວງ ແລະ ກ່າວຮັບໂດຍ ນາງ ກົງທອງ ແກ້ວວົງເດືອນ ຫົວໜ້າໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ຫຼັງຈາກນັ້ນກໍໄດ້ຜ່ານມາດຖານເງື່ອນໄຂໃນການປະເມີນບຸກຄົນ 3 ດີ, ມາດຖານຄັດເລືອກໜ່ວຍ 3 ດີ ແລະ ສະມາຊິກສະຫະພັນແມ່ຍິງໃນໜ່ວຍກໍໄດ້ຂຶ້ນຈັບມືຮັບຮອງເອົາຂໍ້ແຂ່ງຂັນ 3 ດີ ໃນຊຸມປີຕໍ່ໜ້າ.
