ໃນວັນທີ 9 ທັນວາ 2024 ແຂວງວຽງຈັນ ໄດ້ຕ້ອນຮັບການລົງມາເຮັດວຽກຂອງ ທ່ານ ຄຳພັນ ເຜີຍຍະວົງເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ຮອງຫົວໜ້າອະນຸກຳມະການເນື້ອໃນກອງປະຊຸມໃຫຍ່ ຄັ້ງທີ XII ຂອງພັກ ພ້ອມດ້ວຍຄະນະຕິດຕາມ ຈາກສູນກາງ; ຕາງໜ້າໃຫ້ແກ່ຄະນະພັກ-ຄະນະນຳຂອງແຂວງວຽງຈັນ ນຳພາໂດຍທ່ານ ທອງສະຫວັນ ວົງສຳພັນ ຮອງເລຂາພັກແຂວງ ໃຫ້ກຽດຕ້ອນຮັບ ແລະ ລາຍງານຜົນສຳເລັດການດຳເນີນກອງປະຊຸມໃຫຍ່ ໜ່ວຍພັກຂັ້ນບ້ານ, ສຳນັງານອ້ອມຂ້າງເມືອງ ແລະ ສຸມໃສ່ການດຳເນີນກອງປະຊຸມໃຫຍ່ຮາກຖານພັກອ້ອມຂ້າງແຂວງ, ອົງຄະນະພັກເມືອງ, ຄະນະພັກ 2 ກອງບັນຊາການ ແລະ ກອງປະຊຸມໃຫຍ່ຂອງຄະນະບໍລິຫານງານພັກແຂວງວຽງຈັນ ໃຫ້ສຳເລັດຕາມແຜນຄາດຄະເນ.
ຫຼັງຈາກນັ້ນ, ຄະນະນຳຂັ້ນສູນກາງ ສົມທົບກັບ ການນຳຂອງແຂວງ ໄດ້ລົງເກັບກຳຂໍ້ມູນຕົວແບບການຜະລິດສິນຄ້າຫັດຖະກຳ ຂອງປະຊາຊົນ ບ້ານໂພນໝີໃຕ້, ເມືອງວຽງຄຳ ແລະ ການຜະລິດກະສິກຳ (ປູກເຂົ້ານາແຊງ) ຂອງປະຊາຊົນ ບ້ານໂພນແບ່ງ, ເມືອງເຟືອງ ເພື່ອພິຈາລະນາຄັດເລືອກຕົວແບບ ເຂົ້າປະກອບຄຳເຫັນຕໍ່ກອງປະຊຸມໃຫຍ່ຂອງພັກ. ພ້ອມນັ້ນ ໄດ້ຢ້ຽມຊົມຫໍມູນເຊື້ອປະຫວັດສາດ ຕົ້ນແຕ້ຈາລຶກຄວາມແຄ້ນ, ພົບປະຜູ້ປະກອບການ ທ່ອງທ່ຽວ ຢູ່ເມືອງເຟືອງ, ຈົນສຳເລັດໜ້າທີ່ວຽກງານ ແລະ ເດີນທາງກັບຄືນນະຄອນຫຼວງວຽງຈັນ ໃນຕອນເຊົ້າ ວັນທີ 10 ທັນວາ 2024.
