ລາວໂທລະຄົມ

 

        ໃນວັນທີ 23 ຕຸລາ 2019 ຄະນະໂຄສະນາອົບຮົມແຂວງ ໄດ້ສົມທົບກັບບໍລິສັດລາວໂທລະຄົມມະນາຄົມມະຫາຊົນ ສາຂາແຂວງວຽງຈັນ ໄດ້ຈັດພິທີປາຖະກະຖາ 5 ວັນປະຫວັດສາດສຳຄັນຄື: ວັນຊາດ ສປ ຈີນ ຄົບຮອບ 70 ປີ, ວັນຄູແຫ່ງຊາດ ຄົບຮອບ 25 ປີ, ວັນປະກາດເອກະລາດ ຄົບຮອບ 74 ປີ, ວັນສ້າງຕັ້ງການທູດ ຄົບຮອບ 74 ປີ, ວັນສາກົນ ແລະ ສັບປະດາແຫ່ງ ຊາດ ເພື່ອລຶບລ້າງຄວາມທຸກຍາກຂອງ ສປປ ລາວ ຄົບຮອບ 32 ປີ ແລະ ຄົບຮອບ 16 ປີ. ຂຶ້ນຢູ່ທີ່ຫ້ອງປະຊຸມຊັ້ນ 2 ຂອງບໍລິສັດລາວໂທລະຄົມມະນາຄົມມະຫາຊົນ ສາຂາແຂວງວຽງຈັນ.

        ໂດຍໃຫ້ກຽດເປັນປະທານ ແລະ ຂຶ້ນປາຖະກະຖາຂອງ ທ່ານ ຈັນແປງ ດວງພະຈັນ ກຳມະ ການພັກແຂວງ, ຫົວໜ້າຄະນະໂຄສະນາອົບ ຮົມແຂວງ. ເຊິ່ງທ່ານໄດ້ຍົກໃຫ້ເຫັນ ປະຫວັດຄວາມ ເປັນມາ, ຄວາມໝາຍຄວາມສຳຄັນຂອງວັນປະຫວັດສາດດັ່ງກ່າວ , ມູນເຊື້ອຮັກຊາດ, ການຕໍ່ສູ້ພິ ລະອາດຫານ, ຄວາມສາມັກຄີອັນເປັນປຶກແຜ່ນ ຂອງປະຊາຊົນລາວບັນດາເຜົ່າ ແລະ ການເສຍສະ ຫຼະເພື່ອປະເທດຊາດ, ຄວາມສະຫຼາດສ່ອງໃສ, ຄວາມມີໄຫວພິກ, ໃນການນຳພາຂອງພັກປະຊາຊົນປະຕິວັດລາວ ເປັນການເສີມຂະຫຍາຍມູນເຊື້ອສາຍພົວພັນ ຂອງ ສປປ ລາວ ແລະ ສປ ຈີນ ທີ່ມີມາຢ່າງຍາວນານ ໃຫ້ມີຄວາມທະນົງແກ່ນຕະຫຼອດໄປ.

        ການປາຖະກະຖາໃນຄັ້ງນີ້ມີ ຄະນະພັກ, ຄະນະອຳນວຍການ, ພະນັກງານ-ສະມາຊິກພັກ, ພະນັກງານຫຼັກແຫຼ່ງ ແລະ ພະນັກງານວິຊາການ ເຂົ້າຮ່ວມທັງໝົດ 34 ທ່ານ, ຍິງ 17 ທ່ານ.

                                                                                                                                                                        ຂຽນໂດຍ: ທອງຄຳ ບຸນປັນ