ໜ້າຫຼັກ

ຫົວຂໍ້ຂ່າວ:

ຂໍ່ານັບຮັບຕ້ອນວັນຊາດ ແຫ່ງ ສປປ ລາວ ຄົບຮອບ 38 ປີ ( 2 ທັນວາ 1975 - 2 ທັນວາ 2023) ຢ່າງສຸດໃຈ !

ພິທີມອບ - ຮັບ ໃບຢັ້ງຢືນໜ່ວຍພັກປອດໃສ, �
ໜ່ວຍຮາກຖານຊາວໜຸ່ມຄະນະໂຄສະນາອົບຮົມ
ພິທີເປີດຮຽນສະໜັບສະໜູນໃຫ້ມະຫາຊົນຜູ�
ພິທີປາຖະກະຖາ ວັນສ້າງຕັ້ງສາຍພົວພັນກ
ກໍາມະບານຮາກຖານຄະນະໂຄສະນາອົບຮົມແຂວ�

ພິທີມອບ - ຮັບ ໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2022 ຂອງໜ່ວຍພັກຄະນະໂຄສະນາອົບຮົມແຂວງວຽງຈັນ

ພິທີໄດ້ຈັດຂຶ້ນໃນເຊົ້າວັນທີ 21 ກັນຍາ 2023 ຢູ່ທີ່ຫ້ອງປະຊຸມ ຄະນະກວດກາພັກແຂວງ ພາຍໃຕ້ການເຂົ້າຮ່ວມເປັນປະທານຂອງ ສະຫາຍ ນາງ ຈັນທະບູນ ໂພສະລາດ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງວຽງຈັນ ແລະ ສະຫາຍ ສີທົນ ແສງພະຈັນ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາແຂວງວຽງຈັນ ມີຮອງເລຂາ, ຄະນະໜ່ວຍພັກ, ສະມາຊິກພັກ ພາຍໃນໜ່ວຍພັກ ແລະ ແຂກຕາງໜ້າຄະນະພັກຮາກຖານ, ໜ່ວຍພັກ ພະແນກການອ້ອມຂ້າງ ເຂົ້າຮ່ວມທັງໝົດ 26 ສະຫາຍ, ຍິງ 15 ສະຫາຍ.

ໜ່ວຍຮາກຖານຊາວໜຸ່ມຄະນະໂຄສະນາອົບຮົມ ແຂວງວຽງຈັນ ເຂົ້າຮ່ວມພິທີປາຖະກະຖາວັນສ້າງຕັ້ງຄະນະຊາວໜຸ່ມ ປປລ ຄົບຮອບ 68 ປີ ຢູ່ທີ່ຫ້ອງປະຊຸມໃຫຍ່ຫ້ອງວ່າການແຂວງວຽງຈັນ

ໃນຕອນເຊົ້າຂອງວັນທີ 6 ເມສາ 2023 ນີ້ ໜ່ວຍຮາກຖານຊາວໜຸ່ມຄະນະໂຄສະນາອົບຮົມ ແຂວງວຽງຈັນ ສະຫາຍເລຂາ, ພ້ອມຄະນະໜ່ວຍ 5 ສະຫາຍ ໄດ້ເຂົ້າຮ່ວມພິທີປາຖະກະຖາຫວນຄືນມູນເຊື້້ອ ວັນສ້າງຕັ້ງຄະນະຊາວໜຸ່ມ ປປລ ຄົບຮອບ 68 ປີ ຢູ່ທີ່ຫ້ອງປະຊຸມໃຫຍ່ຫ້ອງວ່າການແຂວງວຽງຈັນ.

ພິທີເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ II ປະຈໍາປີ 2023

ໃນຕອນເຊົ້າ ຂອງວັນທີ 27 ເມສາ 2023, ເວລາ 08:00 ໂມງ ຄະນະໂຄສະນາອົບຮົມແຂວງວຽງຈັນ ໄດ້ຈັດພິ ທີເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ II ປະຈໍາປີ 2023

ພິທີປາຖະກະຖາ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ ( 5 ກັນຍາ 1962-5 ກັນຍາ 2022 )

ໃນວັນທີ 25 ສິງຫາ 2022 ທີ່ຫ້ອງວ່າການແຂວງວຽງຈັນ ໄດ້ຈັດພິທີປາຖະກະຖາ ວັນສ້າງຕັ້ງສາຍພົວພັນການທູດ ລາວ - ຫວຽດນາມ ຄົບຮອບ 60 ປີ ແລະ ວັນສົນທິ ສັນຍາມິດຕະພາບ ແລະ ການຮ່ວມມືລາວ - ຫວຽດນາມ ຄົບຮອບ 45 ປີ ໂດຍການປະສານສົມທົບ ຂອງຄະນະໂຄສະນາອົບຮົມແຂວງ, ພະແນກການຕ່າງປະເທດແຂວງ ແລະ ຫ້ອງວ່າການແຂວງ. ພິທີໃນຄັ້ງນີ້ ເປັນກຽດຂຶ້ນປາຖະກະຖາໂດຍ ທ່ານ ຈັນສີ ໂພສີຄຳ ອະດີດກຳມະການກົມການເມືອງສູນກາງພັກ, ອະດີດເລຂາທິການສູນກາງພັກ, ອະດີດຫົວໜ້າຄະນະຈັດຕັ້ງສູນກາງພັກ, ອະດີດເລຂາພັກແຂວງວຽງຈັນ ແລະ ການເຂົ້າຮ່ວມຂອງ ທ່ານ ຄໍາພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງວຽງຈັນ ພ້ອມດ້ວຍກຳມະການປະຈຳພັກແຂວງ, ກຳມະການພັກແຂວງ ແລະ ຕາງໜ້າບັນດາພະແນກການ, ອົງການ, ກົມກອງ ອ້ອມຂ້າງແຂວງ ເຂົ້າຮ່ວມທັງໝົດ 187 ທ່ານ, ຍິງ 45 ທ່ານ.

ກໍາມະບານຮາກຖານຄະນະໂຄສະນາອົບຮົມແຂວງວຽງຈັນ ຈັດກອງປະຊຸມສະຫຼຸບຕີລາຄາຜົນການຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2022

ໃນຕອນເຊົ້າຂອງວັນທີ 8 ທັນວາ 2022, ເວລາ 08:30 ໂມງ ກໍາມະບານຮາກຖານຄະນະໂຄສະນາອົບຮົມແຂວງວຽງຈັນ, ໄດ້ຈັດກອງປະຊຸມສະຫຼຸບຕີລາຄາຜົນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2022 ຢູ່ທີ່ຫ້ອງປະຊຸມຄະນະກວດກາພັກແຂວງວຽງຈັນ ເພື່ອປະຕິບັດຕາມບົດແນະນໍາຂອງສູນກາງສະຫະພັນກໍາມະບານລາວ ສະບັບເລກທີ 284/ສກລ, ລົງວັນທີ 17 ມີນາ 2021 ກ່ຽວກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຂອງສະຫະພັນກໍາມະບານລາວ ແລະ ມະຕິຕົກລົງຂອງເລຂາໜ່ວຍພັກຄະນະໂຄສະນາອົບຮົມແຂວງ ສະບັບເລກທີ 31/ໜພ.ຄອຂຈ, ລົງວັນທີ 5 ທັນວາ 2022 ວ່າດ້ວຍການອະນຸມັດໃຫ້ກໍາມະບານຮາກຖານຄະນະໂຄສະນາອົບຮົມແຂວງ ຈັດພິທີສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2022 ໂດຍການເປັນປະທານຂອງ ທ່ານ ດາວວອນ ດວງມາລາ ຮອງປະທານກໍາມະບານຮາກຖານ, ຮອງຫົວໜ້າຂະແໜງໂຄສະນາປາຖະກະຖາ ຜ່ານສື່ ເຄື່ອນທີ່, ໃຫ້ກຽດເຂົ້າຮ່ວມຂອງ ທ່ານ ນາງ ບຸນຄໍ້າ ສີສຸທໍາ ຮອງປະທານຄະນະບໍລິຫານງານສະຫະພັນກໍາມະບານແຂວງ ແລະ ທ່ານ ຈັນທະວົງ ບົວລະພັນ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ມີສະມາຊິກກໍາມະບານຄະນະໂຄສະນາອົບຮົມແຂວງ ພ້ອມດ້ວຍແຂກຖືກເຊີນອ້ອມຂ້າງເຂົ້າຮ່ວມ ທັງໝົດ 27 ທ່ານ, ຍິງ 16 ທ່ານ, ກໍາມະບານ...

ຄະນະໂຄສະນາອົບຮົມແຂວງວຽງຈັນຈັດກອງປະຊຸມປະເມີນໜ່ວຍພັກ ປອດໃສ, ເຂັ້ມແຂງ ໜັກແໜ້ນ ປະຈໍາປີ 2022

ລາຍລະອຽດ: ສ້າງຂື້ນເມື່ອ ວັນພະຫັດ, 08 ທັນວາ 2022 08:57; ຂຽນໂດຍ ຄອຮຂຈ

ກອງປະຊຸມປະເມີນໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈໍາປີ 2022 ຂອງໜ່ວຍພັກຄະນະໂຄສະນາອົບຮົມແຂວງວຽງຈັນ ໄດ້ໄຂຂຶ້ນໃນຕອນເຊົ້າເວລາ 8 ໂມງ 30 ນາທີ ຂອງວັນທີ 28 ພະຈິກ 2022 ຢູ່ທີ່ຫ້ອງປະຊຸມຄະນະກວດກາພັກແຂວງ ໂດຍພາຍໃຕ້ການເປັນປະທານຂອງສະຫາຍ ສົມຄິດອິນທະວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າ ຄະນະໂຄສະນາອົບຮົມແຂວງ, ກອງປະຊຸມມີສະມາຊິກພັກເຂົ້າຮ່ວມທັງໝົດ 21 ສະຫາຍ, ຍິງ 13 ສະຫາຍ, ໃນນີ້; ມີສະມາຊິກພັກສົມບູນ 20 ສະຫາຍ, ຍິງ 13 ສະຫາຍ, ສະມາຊິກພັກສໍາຮອງ 1 ສະຫາຍ.

ອ່ານເພີ່ມເຕີມ...

ຄະນະໂຄສະນາອົບຮົມແຂວງວຽງຈັນ ລົງສົມທົບ ຄະນະໂຄສະນາອົບຮົມ ເມືອງຊະນະຄາມ ແລະ ເມືອງເຟືອງ ເປີດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ໃຫ້ຄະນະຮັບຜິດຊອບຂັ້ນເມືອງ ໃນລະຫວ່າງ ວັນທີ 8 - 11 ພະຈິກ 2022

ລາຍລະອຽດ: ສ້າງຂື້ນເມື່ອ ວັນພະຫັດ, 08 ທັນວາ 2022 08:38; ຂຽນໂດຍ ຄອຮຂຈ

ໃນໄລຍະຕົ້ນເດືອນ ພະຈິກ 2022 ທີ່ຜ່ານມາ ຄະນະໂຄສະນາອົບຮົມແຂວງວຽງຈັນ ໄດ້ລົງທົບສົມທົບເປີດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ໃຫ້ຄະນະຮັບຜິດຊອບວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມ ຢູ່ 2 ເມືອງ ຄື: ເມືອງຊະນະຄາມ ແລະ ເມືອງເຟືອງ. ໂດຍ ທ່ານ ສຸລະພົນ ພົດມີໄຊ ຮອງຫົວໜ້າຄະນະໂຄສະນາອົບຮົມແຂວງ, ນຳພາຄະນະຮັບຜິດຊອບຂັ້ນແຂວງ ລົງສົມທົບ ຈຳນວນ 3 ທ່ານ, ຍິງ 1 ທ່ານ.

ອ່ານເພີ່ມເຕີມ...

ພິທີເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ (ວັນທີ 22 ພະຈິກ 2022)

ລາຍລະອຽດ: ສ້າງຂື້ນເມື່ອ ວັນພະຫັດ, 08 ທັນວາ 2022 08:21; ຂຽນໂດຍ ຄອຮຂຈ

ໃນຕອນເຊົ້າຂອງວັນທີ 22 ພະຈິກ 2022 , ເວລາ 08:00 ໂມງ ຄະນະໂຄສະນາອົບຮົມແຂວງ ໄດ້ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ ປະຊາຊົນປະຕິວັດລາວ ຊຸດທີ IV, ຢູ່ຫ້ອງປະຊຸມແນວລາວສ້າງຊາດແຂວງ ພາຍໃຕ້ການເປັນປະທານຂອງ ສະຫາຍ ຈັນທະວົງ ບົວລະພັນ, ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງວຽງຈັນ, ມີມະຫາຊົນຜູ້ກ້າວໜ້າຈາກ 11 ພາກສ່ວນ, ໃນນີ້ ມາຈາກຄະນະພັກຮາກຖານ 3 ພາກສ່ວນ, ໜ່ວຍພັກ 8 ພາກສ່ວນ, ລວມຜູ້ເຂົ້າຮຽນທັງໝົດ 24 ສະຫາຍ, ຍິງ 11 ສະຫາຍ ຄືດັ່ງນີ້:

ອ່ານເພີ່ມເຕີມ...

ຄະນະໂຄສະນາອົບຮົມແຂວງວຽງຈັນ ເປີດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ໃຫ້ຄະນະຮັບຜິດຊອບທົ່ວເມືອງວຽງຄຳ (ວັນທີ 25-26 ຕຸລາ 2022).

ລາຍລະອຽດ: ສ້າງຂື້ນເມື່ອ ວັນພະຫັດ, 08 ທັນວາ 2022 07:56; ຂຽນໂດຍ ຄອຮຂຈ

ໃນຕອນເຊົ້າວັນທີ 25 ຕຸລາ 2022 ຄະນະໂຄສະນາອົບຮົມ ແຂວງວຽງຈັນ ໄດ້ເປີດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ໃຫ້ຄະນະຮັບຜິດຊອບທົ່ວເມືອງວຽງຄຳ ຢູ່ທີ່ຫ້ອງປະຊຸມຫ້ອງວ່າການ ເມືອງວຽງຄຳ ໂດຍໃຫ້ກຽດເປັນປະທານຂອງ ທ່ານ ແກ້ວໃຈ ພົມມີ ກຳມະການພັກເມືອງ, ຮອງເຈົ້າເມືອງວຽງຄຳ ແລະ ການເຂົ້າຮ່ວມຂອງ ທ່ານ ສຸລະພົນ ພົດມີໄຊ ຮອງຫົວໜ້າຄະນະໂຄສະນາອົບຮົມແຂວງ, ມີແຂກຖືກເຊີນຈາກບັນດາຫ້ອງການອ້ອມຂ້າງເມືອງ, ຄະນະຮັບຜິດຊອບຂັ້ນແຂວງ-ເມືອງ ແລະ ນັກສໍາມະນາກອນ ເຂົ້າຮ່ວມທັງໝົດ 55 ທ່ານ, ຍິງ 24 ທ່ານ, ໃນນີ້ ເປັນນັກສຳມະນາກອນ 36 ທ່ານ, ຍິງ 15 ທ່ານ. ຄະນະຮັບຜິດຊອບຊຸດຝຶກອົບຮົມ ໄດ້ນຳເອົາເອກະສານທີ່ສຳຄັນ ແລະ ຈຳເປັນ ຈຳນວນໜຶ່ງເຂົ້າມາສຶກສາ, ຄົ້ນຄວ້າ, ເຊື່ອມຊຶມ ເຊັ່ນ: ບັນຫາພື້ນຖານ ກ່ຽວກັບຫາງສຽງສັງຄົມ, ວິທີການເກັບກຳ ແລະ ການນຳໃຊ້ຫາງສຽງສັງຄົມ ເຂົ້າໃນວຽກງານການເມືອງ-ແນວຄິດ, ຕາໜ່າງເພື່ອນຮ່ວມງານ ແລະ ວຽກງານຄົ້ນຄວ້າສັງລວມ.

ອ່ານເພີ່ມເຕີມ...

ຄະນະໂຄສະນາອົບຮົມແຂວງວຽງຈັນ ເຜີຍແຜ່ເຊື່ອມຊຶມນິຕິກໍາຕ່າງໆ ຂອງຂັ້ນເທິງ ຕິດພັນກັບການຮ່ວມຊີວິດພັກການເມືອງໜ່ວຍພັກ ປະຈໍາເດືອນ 10 / 2022

ລາຍລະອຽດ: ສ້າງຂື້ນເມື່ອ ວັນພະຫັດ, 08 ທັນວາ 2022 04:36; ຂຽນໂດຍ ຄອຮຂຈ

ໃນຕອນເຊົ້າຂອງ ວັນທີ 21 ຕຸລາ 2022 ຄະນະໂຄສະນາອົບຮົມແຂວງວຽງຈັນ ໄດ້ຈັດຕັ້ງກອງປະຊຸມເຜີຍແຜ່ເຊື່ອມຊຶມນິຕິກໍາຕ່າງໆ ຂອງຂັ້ນເທິງ ຕິດພັນກັບການຮ່ວມຊີວິດພັກການເມືອງ ຂອງໜ່ວຍພັກ ປະຈໍາເດືອນ 10 / 2022 ຢູ່ທີ່ຫ້ອງປະຊຸມຄະນະກວດກາພັກ ແຂວງວຽງຈັນ ຊຶ່ງໃຫ້ກຽດເປັນປະທານໂດຍ ສະຫາຍ ສົມຄິດ ອິນທະວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ມີສະມາຊິກພັກເຂົ້າຮ່ວມທັງໝົດ 20 ສະຫາຍ, ຍິງ 11 ສະຫາຍ, ສໍາຮອງ 1 ສະຫາຍ.

+ ກອງປະຊຸມໄດ້ດໍາເນີນຕາມວາລະ ດັ່ງນີ້:
1. ຮັບຟັງການສະຫຼຸບຕີລາຄາ ປະຈໍາເດືອນ 10 / 2022 ແລະ ທິດທາງແຜນການ ເດືອນ 11 / 2022 ຂອງໜ່ວຍພັກ ສະເໜີໂດຍສະຫາຍ ຈັນທະວົງ ບົວລະພັນ ຮອງຫົວໜ້າຄະນະໂຄສະນາອົບຮົມແຂວງ.