ວັນ​ຊາດ ທີ 2 ທັນ​ວາ

   

           ໃນຕອນເຊົ້າຂອງວັນທີ 14 ທັນວາ 2020 ເວລາ 8:30 ໂມງ ຄະນະໂຄສະນາອົບຮົມແຂວງວຽງຈັນ ໄດ້ສົມທົບກັບຫ້ອງວ່າການປົກຄອງແຂວງ ໄດ້ໂຮມຊຸມນຸມ ເພື່ອຈັດຕັ້ງການລະນຶກ ແລະ ສະເລີມສະຫຼອງ ວັນສະຖາປະນາ ສປປ ລາວ ຄົບຮອບ 45 ປີ, ວັນເກີດປະທານ ໄກສອນ ພົມວິຫານ ຄົບຮອບ 100 ປີ ແລະ ຜົນສຳເລັດກອງປະຊຸມໃຫຍ່ ຜູ້ແທນອົງຄະນະພັກແຂວງວຽງ ຈັນ ຄັ້ງທີ VI ຢູ່ທີ່ສະໂມສອນໃຫຍ່ຂອງຫ້ອງວ່າການປົກຄອງແຂວງວຽງຈັນ. ໂດຍໃຫ້ກຽດເປັນປະທານຂອງທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆວຽງຈັນ; ເຂົ້າຮ່ວມມີບັນດາການນຳຂອງແຂວງ, ການນຳຂອງເມືອງ, ກອງບັນຊາການ ປກສ-ປກຊ, ຫົວໜ້າພະແນກ, ຮອງພະແນກ, ເລຂາພັກບ້ານ, ສະມາຊິກພັກ, ພະນັກງານ-ລັດ ຖະກອນ, ພະນັກງານຫຼັກແຫຼ່ງ ເຂົ້າຮ່ວມທັງໝົດ 309 ທ່ານ, ຍິງ 87 ທ່ານ.

        ໃນພິທີທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກ ແຂວງ ເຈົ້າແຂວງໆວຽງຈັນ ໄດ້ເລົ່າເຖິງມູນເຊື້ອ ແລະ ຄວາມໝາຍສຳຄັນຂອງວັນຊາດທີ 2 ທັນ ວາ ເຊິ່ງແມ່ນມູນເຊື້ອອັນສະຫງ່າອົງອາດ ແຫ່ງການຕໍ່ສູ້ຕ້ານການຮຸກຮານຂອງສັດຕູຈາກພາຍນອກ ແລະ ຍົກໃຫ້ເຫັນການປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະ 45 ປີ; ໃນໂອກາດດຽວກັນນັ້ນ, ທ່ານຍັງຍົກໃຫ້ເຫັນເຖິງຜົນງານ, ຄຸນງາມຄວາມດີຂອງປະທານ ໄກສອນ ພົມວິຫານ ເຊິ່ງແມ່ນລູກຮັກຫຼານແພງຂອງປະຊາຊົນລາວບັນດາເຜົ່າ, ແມ່ນຜູ້ຮັກຊາດ, ນັກປະຕິ ວັດທີ່ຍິ່ງໃຫຍ່ຂອງຊາດ, ວິລະບູລຸດ, ຜູ້ນຳພັກ-ລັດ ທີ່ປີຊາສາມາດ, ສະຫຼາດສ່ອງໃສ ແລະ ສະດຸງໄວ, ຕັ້ງໜ້າຮ່ຳຮຽນເອົາທັດສະນະແນວຄິດ, ຄຸນທາດການເມືອງ, ຄຸນສົມບັດສິນທຳປະຕິວັດ ຂອງປະທານ ໄກສອນ ພົມວິຫານ ເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນ, ປະຊາຊົນບັນດາເຜົ່າໄດ້ຮັບຮູ້, ເຂົ້າໃຈຢ່າງເລິກເຊິ່ງ ກ່ຽວກັບປະຫວັດສາດການກຳເນີດ ແລະ ເຕີບໃຫຍ່ຂະຫຍາຍຕົວຂອງພັກ, ຂອງຊາດ ແລະ ພາລະກິດປະຕິວັດຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວ, ທັງເປັນການຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ ແລະ ມູນເຊື້ອອັນດີງາມຂອງພັກໃຫ້ຍືນຍົງຕະຫຼອດໄປ ແລະ ໃນຕອນທ້າຍ ທ່ານຍັງໄດ້ເຜີຍແຜ່ຜົນສຳເລັດກອງປະຊຸມໃຫຍ່ ຜູ້ແທນອົງຄະນະພັກແຂວງວຽງຈັນ ຄັ້ງທີ VI ຕື່ມອີກ.

                                                                                                                          ຂຽນໂດຍ: ທອງຄຳ ບຸນປັນ.

 

ສາຍພົວພັນລາວ-ຫວຽດນາມ

ຄຳນັບຮັບຕ້ອນກອງປະຊຸມໃຫຍ່ຄັ້ງທີ່ X ຂອງພັກ

ຊົມເຊີຍວັນຊາດ 2 ທັນວາ ໝັ້ນຢືນ

ວັນສ້າງຕັ້ງລັດຖະທຳມະນູນແຫ່ງຊາດ

ວີດີໂອ....

ວາລະສານອາລຸນໃໝ່

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1122
ໄຟຟ້າ:           1199

ໜ່ວຍກູໄພ:  1625

ນໍ້າປະປາ:      1169

                                                                                       

 

ຈຳນວນຄົນອອນໄລ໌ທ

ມີ 2  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

104813
ມື້ນີ້ມື້ນີ້20
ມື້ວານນີ້ມື້ວານນີ້46
ອາທິດນີ້ອາທິດນີ້9
ເດືອນນີ້ເດືອນນີ້20
ທັງໝົດທັງໝົດ104813