ພິທີເລື່ອນສະມາຊິກພັກໃຫມ່

ລາຍລະອຽດ

ສ້າງຂື້ນເມື່ອ ວັນອັງຄານ, 23 ກໍລະກົດ 2019 03:55

ຂຽນໂດຍ Souliya

        ໃນ​ຕອນ​ເຊົ້າ​ຂອງ​ວັນ​ທີ 17 ກໍລະກົດ  2019 ຄະນະ​ໂຄສະນາ​ອົບຮົມ​ແຂວງ​ວຽງຈັນ​​ ໄດ້​ຈັດ​ພິທີ​​ເລື່ອນ​ສະມາຊິກ​ພັກ​ສຳຮອງ​ຂື້ນ​​ເປັນ​ສະມາຊິກ​ພັກສົມ​ບູນຂອງ​ພັກ​ປະຊາຊົນ​ປະຕິວັດ​ລາວ ​ ຢູ່​ທີ່​ຫ້ອງ​ປະຊຸມຂອງ​ຄະນະ​ກວດກາ​ພັກ-ລັດ​ແຂວງ ​ໂດຍ​​ໃຫ້​ກຽດ​ເປັນ​ປະທານ​ຂອງ​ສະຫາຍ ຈັນ​ແປງ ດວງ​ພະຈັນ ກຳມະການ​ພັກ​ແຂວງ, ​ເລຂາໜ່ວຍພັກ, ຫົວໜ້າຄະນະ​ໂຄສະນາ​ອົບຮົມ​ແຂວງ, ​ມີຮອງ​ເລຂາ, ຄະນະ​ພັກ,  ​ສະມາຊິກ​ພັກ​ສົມບູນ ​ແລະ ສຳຮອງພາຍ​ໃນ​ຄະນະ​ໂຄສະນາ​ອົບຮົມ​ແຂວງ, ຕາງໜ້າຄະນະ​ຈັດຕັ້ງ​ແຂວງ,​ ຄະນະກວດກາ​ພັກ-ລັດ​ແຂວງ ​ແລະ ​ແຂກ​ເຂົ້າ​ຮ່ວມ​ທັງໝົດ 22 ​ສະຫາຍ, ຍິງ15 ສະຫາຍ ​ໃນ​ພິທີ​ດັ່ງກ່າວ​ສະຫາຍ ຈັນທະ​ວົງ ບົວ​ລະ​ພັນ ຮອງ​ເລຂາໜ່ວຍພັກ​ຂື້ນ​ຜ່ານ​ມະຕິ​ຕົກລົງຂອງ​ຄະນະ​ປະຈຳ​ພັກ​ແຂວງ ສະບັບ​ເລກທີ087/ຄປພ.ວຈ, ລົງ​ວັນ​ທີ 18 ພຶດສະພາ 2019 ກ່ຽວກັບ​ການ​ອານຸມັດ​ເລື່ອນ​ສະມາຊິກ​ພັກ​ສຳຮອງ​ຂື້ນ​ເປັນ​ສະມາຊິກ​ພັກ​ສົມ​ບູນຂອງ​ພັກ​ປະຊາຊົນ​ປະ ຕິວັດ​ລາວ ​ເຊີ່ງ​ໄດ້​ອານຸມັດ​ເລື່ອນ​ສະຫາຍ ນ. ຫົງ​ຄຳ ບົວລະ​ພັນ ສະມາຊິກ​ພັກ​ສຳຮອງ​ສັງກັດ​ຢູ່ໜ່ວຍພັກ​ຄະນະ​ໂຄສະນາ​ອົບຮົມ​ແຂວງ ຂື້ນ​ເປັນ​ສະມາຊິກ​ພັກ​ສົມບູນ.

        ​ໃນ​ພິທີ​ດັ່ງກ່າ​ວສະຫາຍ ຈັນ​ແປງ ດວງ​ພະຈັນ ກຳມະການ​ພັກ​ແຂວງ, ​ເລຂາໜ່ວຍພັກ​ໄດ້​ໃຫ້ກຽດຂື້ນ​ຮັບ​ສະມາຊິກ​ພັກ​ສົມ​ບູນ​ໃໝ່ພ້ອມ​ທັງ​ໃຫ້​ກຽດ​ໂອ​ລົມ ​ແລະ ​ໃຫ້​ທິດ​ຊີ້​ນຳ​ໃນ​ການ​ຝຶກ​ຝົນ​ຫຼໍ່ຫຼອມຕົນ​ເອງ​ໃຫ້​ເປັນ​ສະມາຊິກ​ພັກ​ສົມບູນ​ຜູ້ດີ​ເດັ່ນ​ຂອງ​ພັກ​ປະຊາຊົນ​ປະຕິວັດ​ລາວ.

                                                                                                                                          ຂຽນໂດຍ: ສຸລິຍາ ເພັດວິໄຊ

ທ່ານ ສຸພານຸວົງ

ລາຍລະອຽດ

ສ້າງຂື້ນເມື່ອ ວັນອັງຄານ, 23 ກໍລະກົດ 2019 02:50

ຂຽນໂດຍ Souliya

                                                                        ( ປາຖະກະຖາວັນຄ້າຍວັນເກີດຂອງທ່ານ ປະທານ ສຸພານຸວົງ ) 

            ໃນວັນທີ 09 ກໍລະກົດ 2019 ເວລາ 8:30 ໂມງ ຄະນະໂຄສະນາອົບຮົມແຂວງວຽງຈັນ ໄດ້ສົມທົບກັບຫ້ອງວ່າການປົກຄອງແຂວງ ໄດ້ຈັດຕັ້ງພິທີ ປາຖະກະຖາ ວັນຄ້າຍວັນຂອງເກີດ ທ່ານ ປະທານ ສຸພານຸວົງ ຄົບຮອບ 110 ປີ ແລະ ວັນເຊັນສົນທິສັນຍາມິດຕະພາບການຮ່ວມມື ລາວ-ຫວຽດນາມ ຄົບຮອບ 42 ປີ ຢູ່ທີ່ສະໂມສອນໃຫຍ່ຂອງຫ້ອງວ່າການປົກຄອງແຂວງວຽງຈັນ.ໂດຍເປັນປະທານ ແລະ ໃຫ້ກຽດຂຶ້ນປາຖະກະຖາ ຂອງທ່ານ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ. ການປາຖະກະຖາໃນຄັ້ງນີ້ ມີບັນດາຄະນະປະຈຳພັກແຂວງ, ກຳມະການພັກແຂວງ, ເລຂາພັກເມືອງ, ຫົວໜ້າພະແນກ, ຮອງພະແນກ,  ທະຫານ, ຕຳຫຼວດ ແລະ ສະມາຊິກພັກ-ພະນັກງານຫຼັກແຫຼ່ງເຂົ້າຮ່ວມທັງໝົດ 348 ຄົນ, ຍິງ 87 ຄົນ. 

                                                                                                                                                                                      ຂຽນໂດຍ: ທ່ານ ທອງຄຳ ບຸນປັນ

ຝຶກອົບຮົມຫາງສຽງສັງຄົມທົ່ວແຂວງວຽງຈັນ

ລາຍລະອຽດ

ສ້າງຂື້ນເມື່ອ ວັນພະຫັດ, 11 ກໍລະກົດ 2019 02:45

ຂຽນໂດຍ Souliya

                                                                       (  ຊຸດຝຶກອົບຮົມວຽກງານສັງລວມ-ຫາງສຽງສັງຄົມທົ່ວແຂວງວຽງຈັນ ) 

              ຄະນະ​ໂຄສະນາ​ອົບຮົມ​ແຂວງ​ວຽງຈັນ ​ໄດ້​ເປີດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ໄດ້ໄຂຂຶ້ນໃນເວລາ 8:00 ໂມງ ຂອງວັນທີ 17 ມິຖຸນາ 2019 ທີ່ຫ້ອງປະຊຸມເບີ 2 ຫ້ອງການປົກຄອງແຂວງ, ໂດຍການໃຫ້ກຽດເຂົ້າ​ຮ່ວມທ່ານ ນ ສິງ​ຄຳ ຄົງ​ສະຫວັນ ຮອງ​ເລຂາພັກແຂວງ ຮອງ​ເຈົ້າ​ແຂວງ​ໆ​ວຽງຈັນ, ທ່ານ ນ ແສງຕານ ແກ້ວອິນດາປິງ, ຫົວໜ້າ ກົມສັງລວມຂອງຄະນະໂຄສະນາອົບຮົມສູນກາງພັກ ແລະ ທ່ານ ຈັນແປງ ດວງພະຈັນ, ກຳມະການພັກແຂວງ, ຫົວໜ້າ ຄະນະໂຄສະນາອົບ ຮົມແຂວງ ຊຸດຝຶກອົບຮົມຄັ້ງນີ້; ມີຜູ້ເຂົ້າຝຶກອົບຮົມທັງໝົດ 77 ທ່ານ, ຍິງ 23 ທ່ານ,ໃນນີ້; ພະແນກການ, ອົງການ ກົມກອງ 42 ທ່ານຍິງ 8 ທ່ານ, ບັນດາເມືອງ 11 ທ່ານ, ຍິງ 2 ທ່ານ ແລະ ຄະນະໂຄສະນາອົບຮົມແຂວງ​ 24 ທ່ານ, ຍິງ 13 ທ່ານ. ຊຸດຝຶກອົບຮົມໄດ້ນໍາເອົາເອກະສານທີ່ສຳຄັນ ແລະ ຈໍາເປັນຈໍານວນໜຶ່ງເຂົ້າມາສຶກສາ, ຄົ້ນຄວ້າ, ເຊື່ອມ​ຊຶມ ເຊັ່ນ: ບັນຫາພື້ນຖານກ່ຽວກັບຫາງສຽງສັງຄົມ ວິທີການເກັບກຳ, ການນຳໃຊ້ຫາງສຽງສັງຄົມເຂົ້າໃນວຽກງານການເມືອງ-ແນວຄິດຕາໜ່າງເພື່ອນຮ່ວມງານ ແລະ ວຽກງານຄົ້ນຄວ້າສັງລວມ

                                                                       ( ພິທີມອບໃບຢັ້ງຢືນໃຫ້ແກ່ນັກສຳມະນາກອນ )

ອ່ານເພີ່ມເຕີມ...

ຊຸດຝຶກອົບຮົມປະຊາຊົນລຽບຕາມຊາຍແດນ ເມືອງຊະນະຄາມ

ລາຍລະອຽດ

ສ້າງຂື້ນເມື່ອ ວັນພະຫັດ, 11 ກໍລະກົດ 2019 02:27

ຂຽນໂດຍ Souliya

                                                         ( ຊຸດຝຶກອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ

                                                                                  ໃຫ້​ແກ່​ປະຊາຊົນ​ລຽບຊາຍ​ແດນ ຢູ່ເມືອງຊະນະຄາມ )

                           ຄະນະ​​ໂຄສະນາ​ອົບຮົມ​ແຂວງວຽງຈັນ ​ໄດ້​ເປີດຊຸດຝຶກອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາໃຫ້​ແກ່​ປະຊາຊົນ​ລຽບຊາຍ​ແດນ ຢູ່ເມືອງຊະນະຄາມ ແຂວງວຽງຈັນ ຊຸດທີ I ປະຈໍາປີ 2019  ຊຸດຝຶກ​ອົບຮົມໄດ້ໄຂຂຶ້ນໃນຕອນເຊົ້າ, ຂອງວັນທີ 1 ກໍລະກົດ 2019 ຢູ່​ທີ່​ສະ​ໂມ​ສອນ​ຂອງ​ເມືອງ​ຊະນະ​ຄາມ​ເຊີ່ງ​ໄດ້​ດຳ​ເນີນ​ເປັນ​ເວລາ 3​ ວັນ ໂດຍໃຫ້ກຽດເຂົ້າຮ່ວມ​ເປັນ​ປະທານ​ຂອງທ່ານ ຈັນແປງ ດວງພະຈັນ ກຳມະ ການພັກແຂວງ, ຫົວໜ້າຄະນະໂຄສະນາອົບຮົມແຂວງ,  ທ່ານ ຄຳເຄນ ຈັນທະວົງ ຫົວໜ້າກົມອົບຮົມຄະນະໂຄສະນາອົບຮົມສູນກາງພັກ, ທ່ານ ສະໝານ ວິເສດຍະພົງ ເລຂາພັກເມືອງ, ເຈົ້າເມືອງໆຊະນະຄາມ. ​ໃນ​ນັ້ນມີຄະນະຮັບຜິດຊອບຊຸດຝຶກອົບຮົມຂັ້ນແຂວງ, ເມືອງ ​ແລະ ນັກ​ສຳ​ມະ​ນາກ​ອນ​ເຂົ້າ​ຮ່ວມ​ທັງໝົດ  63 ທ່ານ, ຍິງ 16 ທ່ານ ຊຸດຝຶກອົບຮົມໃນຄັ້ງນີ້ໄດ້ນໍາເອົາເອກະສານທີ່ສໍາຄັນ ແລະ ຈໍາເປັນຈໍານວນໜຶ່ງເຂົ້າມາສຶກສາຄົ້ນຄ້ວາ, ຮໍ່າຮຽນ ເຊັ່ນ:

          -​ ເອກະສານ: ຊາດລາວ, ຄົນລາວ ແລະ ມູນເຊື້ອອັນສະຫງ່າລາສີຂອງປະຊາຊົນລາວ.

          - ເອກະສານ: ລະບົບການເມືອງ ແລະ ການປົກຄອງ ໃນລະບອບປະຊາທິປະໄຕປະຊາຊົນ.

          - ເອກະສານ: ຍົກສູງຄວາມສາມາດນໍາພາຂອງໜ່ວຍພັກບ້ານ, ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ.

          - ເອກະສານ: ການສ້າງບ້ານເປັນຫົວໜ່ວຍພັດທະນາ.

          - ເອກະສານ: ການແກ້ໄຂຄວາມທຸກຍາກ ແລະ ການຜະລິດເປັນສິນຄ້າ.

          - ເອກະສານ: ຄວາມຮູ້ພື້ນຖານກ່ຽວກັບຊາຍແດນ ແລະ ຄວາມເປັນເຈົ້າປະເທດຊາດ.   

ອ່ານເພີ່ມເຕີມ...

ຝືກອົບອົບຮົມພະນັກງານບຳນານ

ລາຍລະອຽດ

ສ້າງຂື້ນເມື່ອ ວັນພຸດ, 05 ມີຖຸນາ 2019 02:48

ຂຽນໂດຍ Souliya

                                                                                               ເມືອງ ກາສີ 

                ຄະ​ນະ​ໂຄສະນາ​ອົບຮົມ​ແຂວງ​ວຽງຈັນ ​ໄດ້​ເປີດ​ກອງ​ປະຊຸມ​ວຽກງານ​ການ​ເມືອງ-​ແນວ​ຄິດ​ໃຫ້​ພະນັກງານ​ບຳນານ​ຢູ່ 2 ຕົວ​ເມືອງ​ຄື: ​ເມືອງ​ການ​ສີ ​ແລະ ​ເມືອງ​ແມດ ຄັ້ງວັນ​ທີ 5-6 ມີນາ 2019 ​ໂດຍ​ມີ​ພະນັກງານ​ບຳນານ ​ແລະ ຂະ​ແໜງການ​ທີ່​ກ່ຽວຂ້ອງ​ເຂົ້າ​ຮ່ວມ​ທັງໝົດ 96 ທ່ານ, ຍິງ 11​ ທ່ານ ​ໃນ​ນີ້​ເມືອງ ກາສີ ມີ 73​ ທ່ານ, ຍິງ 9 ທ່ານ ​ແລະ ​ເມືອງ​ແມດ ມີ 23​ ທ່ານ, ຍິງ 2 ທ່ານ​ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ ທ່ານ ຈັນ​ແປງ ດວງ​ພະຈັນ ກຳມະການ​ພັກ​ແຂວງ, ຫົວໜ້າຄະນະ​ໂຄສະນາ​ອົບຮົມ​ແຂວງ ກອງ​ປະຊຸມ​ໄດ້​ນຳ​ໃຊ້​ເອກະສານທີ່​ສຳຄັນ 3 ​ເອກະສານ​ ມາ​ບັນຍາຍ​ຕໍ່​ກອງ​ປະຊຸມ​ຄື:

-      ​ເອກະສານ​ ຖານະບົດບາດ​ຂອງ​ພະ​ນັກ​ງານ​ບຳນານ

-      ​ເອກະສານ ພັນທະ, ​ໜ້າທີ່ຂອງ​ພະນັກງານ​ບຳນານ.

-      ​ເອກະສານ ບາງ​ເນື້ອ​ໃນ​ຈິດ​ໃຈ​ມະຕິກອງ​ປະຊຸມ​ໃຫ່ຍຄັ້ງທີ X ຂອງ​ພັກ.

ອ່ານເພີ່ມເຕີມ...